متستعجبوش
بقلم الشاعر: محمد مرزوق
متستعجبوش لما ف الزمن ده
الاصيل يهنوه
والفقير يزلوه
والكداب يكرموه
متستعجبوش ف الزمن ده
لما الأب لما يكبر
ياخدوا أمواله ويطردوه
ولدار المسنين
يحطوه ويسيبوه
متستعجبوش البنات
قبل ما يلبسوا البنطلون يقطعوه
متستعجبوش
لما الزوج يعرض مراته سلعه
ع الشاشات وتعظموه
ويبقى فرحان وتقدروه
متستعجبوش
لما قولنا ده نهايه الزمن
الغش ف الميزان
وخيانه الجيران
وضياع الامان
ولما يشتغل القرآن تغيروه
متستعجبوش
وإيه تاني هتعملوه
وإيه تاني هتعملوه
محمد مرزوق
ليست هناك تعليقات:
إرسال تعليق