هو أنتي روحتي
بقلم الشاعر: محمد مرزوق
فين يا طفولتي
هو مين اللي راح فينا
أنا اللي كبرت
ولا انتي
اللي صغرتي
أنا لسه فاكرك
كنت لسه
لسه شبر ونص
وده كانت لعبتي
كانت طيارتي
وحكايتي
هي ده كانت غوايتي
مع أحلى شله
مع أحلى لمه
مع أحلى عيله
في الحاره
في الجنينه
قدام البيت
جوى المسجد
وساعه صلاه العيد
روحتي يا طفولتي
وراحت معاكي حدوتي
حدوت جدتي وجدي
حدوت قبل النوم
محمد مرزوق
ليست هناك تعليقات:
إرسال تعليق