باقي نعشق
بقلم الشاعرة: سلوى ولد المهدي
يا صاح اليوم ما جاني لا سهاة ولا نوم
نفك لغز معانيك ونحلل كلامك المغموم
ما صبت لهم جواب غير العتاب واللوم
اليوم تقاضت بينا الهضرة يا الصمصام
جبتيني مرابع قبالة أهلي والعباد والقوم
نظل نهز ليك فشأن وديالي طيحتيله المقام
صافي هدا حد صلاحيتي ما بقى فيا ما يتنقم
طول حياتي كنت لك حليب صافي معقم
وأنت ما هبت لي غير الضنا والغدر والعلقم
ظاهر ليك من غيرك أنا ما نعشق ولا نفقم
غلطان يا صاح القلب الخالي سهله يلقم
ولا غيرتك تمنت لي العذاب و السقم والنقم
أنا بعدة ما نبغيها ليك وخا ربي ما يحب الظلم
من طبعي نخلع بلا ما نفاعل ولا نزقم
سير فين رضو جوارحك يحطوك ودابا تفهم
كل من هوا ناصع ماشي ديما فضة وطقم
ملي توجده مزور وشكله جميل مصقم
لا تسال عل الصايغ الضايع القديم
ما غادي يرضى يجمع يطم ولا يلم
سلوى ولد المهدي
ليست هناك تعليقات:
إرسال تعليق