وتيجى منين الراحة
بقلم الشاعر:سامى على عبد المنعم
وتيجى منين الراحةوالبال مشغول
والعقل كان سأئل وانا المسؤل
والفكر كان قاتل وانا المقتول
والهم غم بينهش زى الغول
ومش عارف انت منعزل ولا معزول
واقف ع الحياد لا مؤيد ل دول
ولا معارض ل دول
اسكت واتفرج على زمن مخبول
وراضي الكل بكلام معسول
مابتعملش ناصح وتقف مذهول
اعمل الخير ف السر خليك مجهول
مابيتعبش فيكى يا بلد
غير الطيب ابن الأصول
احمد ربنا اللحمة زى الفول
خلي اللى يقول يقول
دا الهم بيخلى العفيفة مشاول
والمباحث عن الكمال غبي مهبول
لا هتقدر تشق الارض
ولا السما هطول
كبرنا وراحت علينا زى الخيول
وتيجى منين الراحة والبال مشغول
الامضاء عاشق الكلمة ف.زمن الصمت
سامى على عبد المنعم
26 أبريل 2025م
ليست هناك تعليقات:
إرسال تعليق