جوى مَجروحة
بقلم الشاعر: ياسين مصطفى بكري
حكَيتي مَعي لبِستي التَنورة
ولِعيون حُلوة أزهَر الياسمين
سُبحان رَبي خالق الصورة
العِشق مِنِك فاض عالمَيلين
لما وقِعتي داخِل الجورة
أنقَذت قَلبي وقَلبِك المسكين
عَرَفت إسمِك والاسم نورة
يا ضاوية عالشَرق وفلِسطين
شُفتِك تنُطي مِثِل عُصفورة
الصَياد بِستَنى بِجَنب العين
لِبسِك حلو بالحلى أمورة
وخدودِك التفاح جاي منين
بايِن عَليكِ بِنت مَشهورة
عَشفافِك الحَمرا العَسَل رَطلين
خُدودِك تلال زهور مَهجورة
بدها لَمِس من إيد عالخَدين
عشِقت روحِك أحلى سَمورة
وقالولي عن أمك إسمها الزين
ظَلِك مِثِل أزهار مَنثورة
حتى الجمال يظَل جَنب العين
حَسيت إنك جوى مَجروحة
جِبت الطَبيب يشوف جُرحِك وين
التَقرير بِحكي كثير مَبحوحة
لَو تِهدأي شي يوم او يومين
أجمَل أميرة على المَعمورة
سَرَقتي قَلبي والقَلِب قِسمين
واطلُب الايد وأنتِ مَسرورة
والعُرس عَينا بشَهِر تِشرين
ياما لعِبتي مَعي البَنورة
وكُل ما أغِلبِك قَبِل النَهدين
بقلم..ياسين مصطفى بكري..
ليست هناك تعليقات:
إرسال تعليق