فَكَرونا ضيوف
بقلم الشاعر : ياسين مصطفى بكري
نِزلَت الدَمعة والشَعِر مَنعوف
بتِبكي عَكُل الوَطَن والاولاد
رَفعَت إيديها للسَما لِكفوف
وطَلبت من الله يِحفَظ الاحفاد
الحَرب ما عادَت بِضَرب سيوف
بالجُملة ماتوا الكُل إستِشهاد
ما بَلَد عِملَت للشَعِب مَعروف
خانوا الوَطن وتآمروا الاسياد
نِحنا بوَطَنا فَكَرونا ضيوف
نِحنا صحاب الارض والامجاد
والمَقبرة صارت رفوف رفوف
والغدارين تبَعثَروا الاوغاد
الوَطَن روح الروح ما مِنعوف
مَهما تزيد وتِكبر الاحقاد
جاي الوَقت والكُل بدو يشوف
شَعبي البَطَل ما يِخلف الميعاد
روح الشَهيد بالوَطَن عَمَ بطوف
تعانِق الارض تعانِق الاجداد
الوَصِف لَشَعبي بأحلى حروف
الفرحة تُلغى وسَهرة الاعياد
بقلم..ياسين مصطفى بكري
ليست هناك تعليقات:
إرسال تعليق