علي مين
بقلم الشاعرة: د الهام شحاته سالم
عرفاك فهمناك حفظاك
بص شوف مين مدارى وراك
علي مين ياواد علي مين
رايح تبيع الميا
في حاره السقايين
شوف ياشاطر انت بتكلم مين
لو لعبت الف دور
دورت ولفيت راح تنزل الستار
عشان انت شخص مستعار
وسعرك في السوق رخيص
ولا تساوي حتي درار
هديت الدار علينا زمان
بعت واشتريت فيهنا
لاء لسه هايجي عليك الدور
فهناك من اول يوم
سبتك تلعب بالكره
وتبين انك حريف
شحات عريان مش لاقي حتي الرغيف
بانت خلاص الاماره
علي غدرك الف اشاره
قال ايه وبتستعرضها
وفكرها ياواد شطاره
لكن ياحلو علي مين
اوعدك تاني تفكر تبيع المئه في حاره السقايين
ليست هناك تعليقات:
إرسال تعليق