وأبيَضِّيت يا شَعر راسي
بقلم الشاعر: محمد مرزوق
وضَعُفت يا نظري، ومبقتش أعرف أفرّق بين حبايبي ومين هم ناسي
وأبات فاكر… وأصبح ناسي
وجَرى فجر عمري منّي، ومبقتش لاقي راسي
أعيش يومي… وأخاف ييجي عليّا بُكره
وأخاف ما صحّاشي
وبَقيت أزعل من أي كلمة
وأبكي، وتنزل من عيني دمعة
وأقول: ليه يا زماني؟
بقيت عليّا قاسي
بقيت عليّا قاسي
ودايما تاخدني ذكرياتي
أعيش معاها شويّة بكل إحساسي
وأفوق على دنيا تانية
راح منها كل ناسي
وأبيضِّيت يا شَعر راسي…
محمد مرزوق
ليست هناك تعليقات:
إرسال تعليق