عناوينك
بقلم الشاعر: بدرالدين ودالفاشر
وحات عمرالخريف الجاي
يشق بلداتنا عزالليل
يفج عين الضلام بالبرق
ويدفر زورق الاحزان
الي السكه الضبابيه
وحات ربي
وكت شفتك وقف قلبي
وطارنبض العشم حايم
يكوسلك بين دعاش الغيم
ومن فوق القمركلمات
ترحب بيكي امنيه
وكت شفتك
مراكب في المراسي تنوم
وفوق رمشك لقيت حلمي
بيتوسداماني الكون
بيتبسم اكيد محظوظ
يتاوق في البشر طغيان
وكان ساهم عن الجيه
كانك زوله من انناس
تشهي الشهيه لي شوفتك
حضورك مهرجان اعياد
قصايد من يفوع الريد
نضال الشوق وكت بيزيد
محل تبقي المطيره تصب
عرفتك زوله ماهينه.
عناوينك
من الياسمين الي النرجس
ومن قاردينيا حتي شروق
بيادرالفل
يتوه فيهو الفؤاد مسلوب
يخدرني العبير بالجد
كفاك علي
ماانتي مليتي عينيا
وحات ريي
وكت شفتك وقف قلبي
وطار نبض العشم حايم
يساءل وين عناوينك
سرح زعلك واتحكر
بقيت تلميذ
رجف بالخيبه قدامك
وكان خايف عيونك دي
وكت تتشابه النيه
نزل صمتك ضحك فيني
وكان وعد الامان متك
حسيت الزعل مرفوع
وانك احلي حوريه
وكت اتقابلن عينيك وعينيا
سرت زغروده شاقه الكون
وكان كل الكلام منك
علي الحوجه البقت في العيون
اريتنا في عشه زوجيه.
ليست هناك تعليقات:
إرسال تعليق