يلّا يامه
بقلم الشاعر : محمد مرزوق
يالّا يا مه
ادعيلي
زي ما كنتِ بتدعيلي
وانا صغير
قبل ما أكبر واتغيّر
فاكر بُصّة عينيكي
فاكر دمعة عينيكي
ورعشة إيديكي
ولهفتِك عليّا
كبرت يا أمي
ولسه فاكر ملامحِك
وابتسامتِك
وازاي أنسى
خِفّة دمِّك
وانتِ بتنادي عليّا
عُمر ما حد هيعوّض
حنانِك
ولا هيقدر
يحميني من غدر الدنيا
الدفا الحقيقي
كان في حِضنِك
والحب الحقيقي
هو حبِّك
مهما قسيتي عليّا
كنت بتمنى
تفضلي عايشة
وأبقى تحت رجليكي
خدّامِك
وأقولك:
شبيكي لبيكي
وادخل بطاعتِك الجنة
يانن عنيه
محمد مرزوق
ليست هناك تعليقات:
إرسال تعليق