فانية ماتسواش
بقلم الشاعر: فوزي سليم . مصر
مع الزمان داير.
في دنيا ماتسواش.
فاكراني فيها نادم.
على عمر راح وماجاش.
ونازلة فيا ضرب.
كاكورة اسكواش.
م الهم دابت ملامحي.
وساترها بالقماش.
غرقان فى بحور همومك.
وعمري فيكي باش.
عايز ارسى فيكي على بر.
من موجك الجياش.
لو شفتي نفسك بعيني
بعد ما طلعت معاش.
هاتفي عليكي وتبكي
وتلطمي الاوشاش.
وتدي للناس ضهرك
وتغمي عنيكي بشاش.
وهاترمي بلاكي عليا.
وتقولي دا واد حشاش.
وتبرئي نفسك مني
وتقولي ان انا بكاش.
وجمايلي كتيره عليه
وهوا اللى ماصنهاش.
ونسيتي ان انت فانية
ودنيا ماديماش.
سنة رايحة والتانية جاية
وانا راكن فى الجراش.
مش عايز منك حاجة
غير ذكرى ماتتنساش
مش واخد منك حاجة
غير عملي وحتة قماش.
والمال انا سبتهولك
تخدعي بيه الغشاش.
أو حتى اللى لسه ماجاش.
يا دنيا ماتسواش.
فوزي-سليم.مصر.
ليست هناك تعليقات:
إرسال تعليق