سيادة النائب
بقلم الشاعر: سامي علي عبدالمنعم
حضر ورقة وقلم وكتاب
هنبدأ كشف حساب
خمس سنين مكتوب غياب
كنت عجوز وصبحت شباب
اغتنيت وعليت انت واللي حواليك
من غير تعب او اسباب
واحنا لسه ف الكحت والعذاب
لا احنا من الحاشية ولا الاحباب
شغالين وتعبانين وشايفين الصعاب
ولا فينا غني حرب ولا نهاب
انا مش مرابي ولا نصاب
ولا كنت مطبلاتي ولا كداب
انا مواطن املي فيكم خاب
عطشانين وطلعتوا جفا وسراب
ويفيد بايه العتاب
واحنا لا جيران ولا اصحاب
فوقوا لا احنا عبيد ورعاياكم
ولا انتوا .. رب ا لارباب
سيادة النائب لو حابب
حضر ورقة وقلم وكتاب
الامضاء عاشق الكلمة
سامى على عبد المنعم
28 يوليو 2025م
ليست هناك تعليقات:
إرسال تعليق