الوان البشر
بقلم الأديب والشاعر: يوشع علي إسماعيل
في ناس مع المي العكري بتنشرب
بتنزل على القلب متل لحن الطرب
كلامها متل العطر والطيب
عن صفا مي الصفا ما بتنعرب
وفي ناس لسانها متل القضيب
بتعكر صفا كل ينابيع. العرب
متل ثعلب احتال على ذيب
من تمو سرق اللقمه وهرب
وفي ناس بتغمرك متل الحبيب
قلبها أسود متل بيت انخرب
بإيد بتطعمك عسل وحب الزبيب
وبإيد السم من كاسها زرب
وفي ناس بتستقبلك بكل ترحيب
بتفلشلك سجاد مشنشل بالشِرب
وسفرة البيت منسف شي رهيب
بأول ضهرتك ضهرك بالخنجر بتنضرب
وفي ناس بتحسها أدب وتهذيب
من علمها بتقول الجهل غرب
لما بتفحص العقل اللبيب
بتشوف العقول ملياني جرب
هيك الناس في وقتنا العصيب
صارت وجوهه ملوني بألف لون
كل واحد من منبعوا شَرَب
بقلم الأديب والشاعر يوشع علي إسماعيل
ليست هناك تعليقات:
إرسال تعليق