شيل الوجع
بقلم الشاعر: محمد مرزوق
بتقولي: فين الوجع؟
كل ده ومش شايف؟
فين الوجع؟
هي الكلمة
اللي خرجت منك
ما سببتش وجع
ولا النظرة
اللي شوفتها في عنيك
كان فيها وجع
الوجع
كان أكتر من كده كمان
الوجع جالي
في صورة إنسان
ما احترمش العِشرة
وخان
ما قدّرش الود
وما بقاش ليه
في قلبي مكان
ولا مرة
حسّيت معاه بالأمان
كل ده
وبتقولي: فين الوجع؟
طيب…
داوي الوجع
ولو بكلمة
كلمة راضية
ولو بهمسة
أو بسِمة
تمسح من عيني
دمعة
أو ترسم على خدي
حنان
الوجع سبته
في حضن دافي
كان ليك أمان
حضن
كان دايمًا يحويك
ويراعيك
لما كان بيغدر بيك الزمان
أو بتلعب بيك الأيام
شيل الوجع…
محمد مرزوق
ليست هناك تعليقات:
إرسال تعليق