خلاص ياسامى
بقلم الشاعر: سامي علي عبدالمنعم
خلاص يا سامى عجزت ولا عجزة
ومن الوجع .. مش عارف تنام
تهرب من ألآلم تلاقيه ف الاحلام
مابقتش نشيط ضهرك للحيط
صامت وصامد وجواك بكيت
وبتعافر عشان توصل للحمام
بعدت ضعف ووجع مش خصام
وليل ونهار بتفكر وترجم الكلام
اللي بيحصل لي حلال ولا حرام؟
بقينا ف مكانا .. تماثيل ولا اصنام؟
ونقول بكرة تفرج ويعم السلام
عبط .. طموح.. وجايز كمان اوهام
يارب تعبت من وجع الروح والعظام
كلهم فاتوك .. راحوا وسابوك
شافوا مصلحتهم مش خانوك
رغم الكبر ... لسه محتاج للعلام
خلاص يا سامي عجزت ولا عزة
ومن الوجع .. مش عارف تنام
الامضاء عاشق الكلمة
سامى على عبد المنعم
ليست هناك تعليقات:
إرسال تعليق